🥺對充滿愛的老店再見🥺同和堂是在屯門井財街、青菱徑一帶經營了20多年的一間涼茶 #小店 ，近年老闆患病，老闆娘陳太由以前對涼茶的製作一無所知，到現時在一邊兼顧店舖的運作，一邊照顧患病的丈夫。小妹難以想像纖瘦柔弱她為什麼能兩者兼顧，然而與她一個多小時的對談中，陳太對信仰的虔誠及她對丈夫始終不渝的愛就是答案。
「佢係好仔嚟㗎！」老闆娘一邊為患病的老闆抹口水，一邊甜絲絲地稱讚丈夫，「佢以前曾經寄過情信俾我，到而家都仲喺度」。當他在2012年患上老退化症，當時只是為涼茶鋪執頭執尾嘅陳太完全唔懂得整涼茶，真係晴天霹靂，但係又唔想白白浪費咗丈夫多年來嘅心血，所以請教當年教佢丈夫整涼茶嘅親戚，總算過渡順利。
「念經！每日都念唸！」對陳太來講信仰好重要，她每天都會抽1小時念經。她認為念經給她很大的力量，就像有一種無形的力量在幫助她，讓她好好應付挑戰。
昨天的小店插畫遊記 #工作坊 中有同學仔留意到同和堂嘅雞骨茶加咗紅棗，我亦試到這裏嘅雞骨草好易入口，亦相對出面嘅甜，陳太話佢哋之前唔想落得太多糖，所以就用紅棗代替；接着我亦試了野葛菜湯， 發現原來甘和甜是真的可以共存的，就像陳生和陳太之間的親密關係，無論是順境逆境都緊緊在一起❤️
然而陳太覺得而家係時候要退落嚟，儘管有好多熟客都對同和堂表示依依不捨，她認為要珍惜現在健康的身體去享受退休生活，所以她決定於3月13號起就光榮結業，大家要支持就快啲，3月12號係最後一日啦！
為了感謝陳生陳太多年來的貢獻，我和工作坊的同學仔在拜訪同和堂後將我們的心意畫出來，希望陳太喜歡💕
大家對涼茶店有什麼回憶呢？歡迎分享你們的故事！
#撐小店
謝謝 Chris Lo @YOT_YOUTHSPACE 安排了如此有意義的社區導賞活動！亦感謝同學仔嘅熱心參與，和你地一齊畫小店，我很愉快😃
#訪談 #速寫 進行中
#井財街
#屯門牛
#同和堂
Search